Drama "Urip Ora Berkah"

Drama Urip Ora Berkah

by. Dev 2014

Kaji Rungkem         : Milkiyah

Dumini                   : Fitriyani

Rasitem                  : Meli Ameliah

Dumini            : Ji, laki ne pekara jare doyan sawer, lewane apa?

Kaji Rungkem  : Ya embu temen ka Dum, diomongi enggal dina ika, beli sawer bae pasang togel gah enggal minggu.

Dumini            : Idih aih sira idih! Si pekara ning kawin wong lanang mengkonon gelem bae? Ora sembayang Istikhoroh dingin ta?

Kaji Rungkem  : Iya Dum, ketumplek blek demene ning lakie kita kuh, keder gah! kayae ning kemat semar mencot mbu apa? kesawang ning mata ku garang ….. bae enggal dinae ngilwati Sahruk Khan …

Rasitem          : Embu ..gah, ireng geteng kaya Ula Dumung bae,

Kaji Rungkem  : Ngomong apa pekara Bi?

Rasitem          : Aih ora Ji, tanggae kita wingi kecokot ngula dumung,

Dumini            : Eh Ji, apa sih jeh alesane lakine pekara seneng bae ning sawer?

Kaji Rungkem  : Jare tah pengen disebut-sebut arane ning biduwan, mengkanan kah: mamae Roni mamae Roni bos Araban.., padahal duite kita, deweke mlarat kana, dunya e sing kita kabeh, sawah deke kita, motor deke kita, sandangan sing kita, balik sing ngarab ledis duite laka kabeh!

Rasitem          : Lah, ari pengen ning sebut arane tah nyumbang bae ning Mesjid. Seketewu gah ning sebut arane, ning hadiahi Patekah turane!

Dumini            : Sodaqoh mengkonon kuh kehukuman Riya ta beli sih?

Rasitem          : Ya embuh temen lah Ora ngerti! Daripada sawer daripada Togel laka berkahe ning urip!

Dumini            : Iya ya Bi? Duit sing Togel lamon diempakaken nganak rabi, duh masyaAllah…,nangudzubillah min dzalik…, Ya wis gah Ji, kitae balik arep adang!

Rasitem          : Bi Dumini, apa sih lakine pekara ora miang meng sawah biasa gah bareng karo my bab (lakie kita)?

Dumini            : Ana ngumah Bi, lagi nggerem-nggerem ning kamer, wingi ke Pacul wentise, saking sasae pengen tandur maning! Ya wis ayu gah balik Bi,

Rasitem          : Ayu!